首爾之旅第二日 - 又滑雪又游水 (Intercontinental Alpensia Pyeongchang Resort/Angel-in-us Café/Ocean 700/BBQ Chicken)

8:00am 早餐1@酒店房。由於吃不起貴價的酒店早餐，所以今天的早餐是昨晚在便利店買定的麵包、雞蛋和香蕉奶。

9:00am 出發滑雪去。今天都係冇雪落，超失望! 原本今天嘅行程係去附近的龍平滑雪場滑雪的，但係因為唔想走嚟走去咁麻煩，所以便留在Alpensia了。

11:15am 早餐2@山頂餐廳。太掛住美味的魚蛋湯了...

1:30pm 午餐@Angel-in-us Café。個窩夫真係超好味!

6:30pm 往Ocean 700浸温泉和玩滑水梯。Ocean 700的滑水梯一共有四條，分別係單人自己滑、單人水泡、雙人水泡和四人水泡。我們首先試玩四人水泡，個水泡喺滑梯裡面轉吓轉吓... 玩完竟然有些暈陀陀! 跟住，我們試單人自己滑。呢條滑梯速度高，而且d水不停咁潑埋個面度，最後重要成個人掉咗入水裡... 搞到我好似溺水咁! 最後，再試埋其他嗰兩條。結論我都係條條都唔鍾意!! 另外，衝浪池和漂流河都没有什麼好玩。這個水上樂園... 下次就不用去了!

玩到Ocean 700關門後，便去BBQ Chicken買炸雞回酒店房吃。這盒雞一共有廿隻，十分之好味!

詳情請看: 完整的五日首爾之旅網絡相薄

首爾之旅第一日 - Alpensia Resort 阿柏斯滑雪度假村 (Intercontinental Alpensia Pyeongchang Resort)

第一日，00:55am 機。今年我們終於放棄跟旅行團而選擇自由行... 機票跟兩晚首爾的酒店連稅每人是HK$5665! 今次乘搭的是國泰航空，同樣是零晨機去晚機返。

我們5:30am 便已經到達仁川機場，出境後便搭乘機場鐵路往首爾站再轉乘地鐵往江邊站。原本，我以為我們7:30am 左右便可以到達江邊站的... 但結果要8:00am 才到達。然後，我們便在江邊站旁邊的東首爾客運站轉乘高速巴士前往橫溪。由於巴士要8:45am 才發車，結果又要再等大半個鐘。

8:10am 早餐@Lotteria。

坐了差不多3小時巴士後，我們終於到達橫溪。下巴士後，我們便轉乘的士前往度假村，12:00 左右終於到達目的地。轉吓轉吓，結果好似好笨... 一開始我們如果搭乘9:30am 由仁川機場開出的專車，可能也只是遲現在半個小時到達!! 唉...

由於酒店未可以check in，我們寄存行李後便四周圍逛逛。午餐便選了度假村內的一間韓式小店。

1:30pm Intercontinental Alpensia Pyeongchang Resort check in。今次入住的房型是高級特大床房(KRW$411,400兩晚)，酒店令我們非常滿意。

上房換上滑雪裝備後便出發滑雪去。在這兒，酒店住客買纜車証和租用雪具是有七折的。由於成兩年冇滑雪，初初滑都驚驚哋。

5:30pm 晚餐@度假村內的另一間韓式小店。這間餐廳比午餐吃的那間貴，味道亦一般。

食飽飽就繼續滑夜雪。滑完11:00pm 便往便利店買夜宵，然後便回酒店休息。

詳情請看: 完整的五日首爾之旅網絡相薄

烹飪篇之法式焦糖燉蛋

見盒淡忌廉就過期，於是又的起心肝整燉蛋。可惜因為家中没有火槍，所以製作不了焦糖脆面...

食譜

材料:
雞蛋黃	2隻
糖	30g
淡忌廉	200ml

做法:

• 焗爐160℃預熱。
• 將雞蛋黃和糖拌勻。
• 淡忌廉用小火加熱至鍋邊開始出現小泡泡。
• 將淡忌廉一點一點逐少加入雞蛋黃混合物中，拌勻，再均勻倒入小陶瓷杯內。
• 焗盆注入熱水，焗25分鐘便可 。

烹飪篇之日式薯仔沙律

見北海道薯仔特價，於是又的起心肝整沙律...

食譜

材料:
薯仔	2-3小隻
雞蛋	1隻

調味料:
牛油	適量
鹽	適量
黑胡椒	適量
BB沙律醬	2湯匙

做法:

• 薯仔洗淨，原隻用水烚大約20分鐘至軟身。撈起薯仔，去皮，壓碎。
• 雞蛋烚熟，去殼，壓碎。
• 加入調味料，拌勻，即成。

東海堂 x 花畑牧場之濃烤芝士蛋糕

今期東海堂 crossover 花畑牧場，用其特選日本最高一等賞芝士，製作了芝士蛋糕系列。

這個濃烤芝士蛋糕，由新登場第一日開始便已經想買回家品嚐... 但係，日日放工跑去買都係失望而回。今個星期日，終於入手了!

這個蛋糕size細細，賣HK$138，都貴貴哋。

面層嘅烤芝士味道十分香濃，而下層嘅芝士就非常軟滑... 值得一試。

除咗濃烤芝士蛋糕，另外一款日式梳乎里芝士蛋糕亦同樣好味。日式梳乎里芝士蛋糕size比濃烤芝士蛋糕大一點點，只賣HK$98，個人認為這個比較抵食! 這天同時買了一件(HK$16, 1/8個)試試... 芝士亦都非常軟滑，而且感覺比較輕盈。

烹飪篇之蠔油炆冬菇

見家中嘅乾冬菇已經供奉咗大半年，今天終於的起心肝炆咗佢...

食譜

材料:
冬菇	10隻
生粉	適量
薑	2片
油	1茶匙
冬菇水	250ml            (或雞湯)

調味料:
蠔油	2湯匙
冰糖	1小塊
生抽	1茶匙

做法:

• 冬菇洗淨，用清水浸半小時至軟身後去蒂。將冬菇沖洗乾淨後再用清水浸過夜至完全軟身。撈起冬菇。浸冬菇水留起，備用。
• 放適量生粉上冬菇面，用手搓勻冬菇，再沖洗乾淨。
• 燒熱鍋，下油，爆香薑片，再炒香冬菇。
• 加冬菇水至蓋過冬菇，再加入調味料。當汁料煮滾後，收細火再炆煮20至25分鐘至收汁。
• 最後，將炆好的冬菇放在焯菜上，再把冬菇汁均勻淋上，即成。