曼谷之旅第二日 - 的起心肝遊鄭王廟 (Jasmine Resort Hotel/Nara/虎吉)

8:30am 早餐@酒店餐廳，Jasmine的自助早餐款式不多，味道一般... 真係好後悔訂埋早餐，早知自己出街食重好! 食完早餐便出發往Central World逛街去。

12:00 午餐@Central World之Nara。Nara的食物非常好味，而且辣度正常，當中我哋最鍾意嘅係嗰杯椰汁冰!

2:00pm 拜象神。而家每次嚟到曼谷都會去拜象神，下面隻象仔嘅花圈係我放上去㗎!

2:30pm 下午茶餐@Swensen's，熱到死死吓就緊係去食番隻香蕉船先啦。食雪糕都係嚟曼谷嘅指定動作之一!

3:30pm 出發前往鄭王廟。今次我哋終於的起心肝去啦! 其實自從第一次搭船經過覺得好宏偉之後，就一直都好想去的… 但係唔係怕熱就係懶，結果今時今日先去囉!

今次去鄭王廟都唔係咁容易。事關原來我哋搭隻船係要係對面岸落船再轉船的，但我哋就唔知囉。結果，我哋搭過咗一個站到大皇宮站先落，跟住咪要行返去之前轉船個站... 真係笨死!

幾經辛苦，終於4:45pm 先去到鄭王廟。我哋重登咗廟... 條樓梯真係好直㗎，上嘅時候還好，落就真係一步一驚心。

6:30pm 回到Gateway之虎吉吃晚飯，今晚食的是兩小時炭火燒肉食飲放題。原本我對這間店的期望是十分高的，但結果卻是失望而回... 海鮮類完全唔掂，冇嚟味道的。

9:00pm  兩小時泰式按摩@Thonglor之Asia Herb Association(@Baht 650 + 100 Tips)，呢間真係按得幾舒服。按完再買埋芒果糯米飯便乘BTS回酒​店休息了。

詳情請看: 完整的五日曼谷之旅網絡相薄

曼谷之旅第一日 - 曼谷，我又來了 (Jasmine Resort Hotel/Melt Me/Yum Saap)

相隔短短三個月，又出發前往曼谷啦。

第一日，10:45am 機，今次乘搭的是亞洲航空Air Asia(@HK$2434 連稅)。由於今次係臨時決定去曼谷興生的，所以等唔切Air Aisa做promotion...

2:30pm 終於到逹Jasmine Resort Hotel check in，今次入住的房型是Sky Bay Suites(HK$1369兩晚)。這間酒店座落於BTS Phra Khanong站旁，同BTS站簡直係零距離。我們入住的套房相當寬敞，但就冇想像中​咁新淨，簡直可以說是殘不忍睹... 柚木地板花痕斑斑，木製傢俱亦都非常花，而浴缸亦感覺陳舊，我們結果只敢用花灑淋浴。 只係開了一年的新酒店，點解已經咁舊嘅??

小休一會後便去了附近BTS Ek​amai站嘅Gateway逛。4:00pm 下午茶餐@food court，食咗魚蛋粉同雞肶粉，平平哋都幾好味喎。

5:00pm 再行咗去Thonglor嘅Melt Me食蜜糖吐司。上次食過After You的蜜糖吐司後對她念念不忘，今次就想試吓其他店的蜜糖吐司... 可惜，都係覺得After You最好味!

7:30pm 晚餐@Terminal 21之Yum Saap，因為要快快趣趣食完就去按摩，所以就選了這間店。由於成5:00pm先食完蜜糖吐司，所以只係叫咗兩個沙律食。但係呢兩個沙律都辣到噴火，搞到要叫西瓜汁解辣。

8:00pm 兩小時泰式按摩@Urban Retreat(@Baht 550 + 100 Tips)，按完便乘BTS回酒​店休息了。

詳情請看: 完整的五日曼谷之旅網絡相薄 

曼谷之旅第五日- 好味的法國餐 (Le Vendome)

9:00am 早餐@酒店餐廳，食完早餐便執拾細軟退房了。把行李寄存好在酒店後便又出去逛。

12:30pm 午餐@Le Vendome。這間法國餐廳位置離BTS站較遠，行到我哋身水身汗... 好彩都是值得的。美味!

 

2:30pm 下午茶餐@Pier21，見個肚重有位，於是就去咗T21嘅food court食魚蛋粉。平平哋又幾好味喎。  

4:30pm 搭機鐵往機場。6:30pm 機回香港去。

今次的戰利品。因為今次搭泰航可以寄行李，所以就買多咗少少嘢... 重可以買液體類呀!

睇嚟呢包豬肉乾應該幾香... 我家小雪不停咁喺度聞!!

詳情請看: 完整的五日曼谷之旅網絡相薄