台北北投之旅第二日 - 氣溫驟降，宜浸温泉 (北投倆人旅店/淡水黑殿飯店)

8:30am 早餐@酒店餐廳。俞美的自助早餐款式不多，簡簡單單，味道也不錯。

吃完早餐後，再在西門町逛個圈便退房了。把行李寄存好在酒店後便出發前往淡水，到逹淡水已經 12:00了。

 
今天的天氣比昨天好多了，只是間中落雨粉。但是經過昨天的大雨後，今天氣溫驟降至15度。人哋就著羽绒，我哋就只係著風褸，真係凍到震。

 
12:30pm 路過可口魚丸便首先吃午餐的上半部，而午餐的下半部就在黑殿飯店吃。黑殿的排骨飯真的幾好味，而大滷湯就嘛嘛哋。吃完飯便回到淡水老街和碼頭附近逛。

3:45pm 出發前往北投啦... 今次旅程嘅重頭戲之一泊二食風呂付温泉酒店!! 由北投站往新北投站，要轉乘這輛漂亮但如螞蟻一樣慢嘅彩繪列車。到達新北投後，便慢慢步行上山。

4:30pm 到逹地熱谷。 地熱谷裡煙霧迷漫，好有温泉feel。

4:45pm 北投倆人旅店check in。今次入住的房型是溫柔客房(NT$5300 一泊二食) 。這間溫泉旅館真的很棒，每間客房內都設有泡湯池，可以盡情地泡個飽呢!

 
我們今次入位的103室是在地下，有小花園，亦有螞蟻附送... 可幸的是並不太嚴重。晚餐前已經先泡一轉温泉來消除今天的寒意。

 
酒店天井，採光也不錯。

6:30pm 晚餐@酒店餐廳。餐廳供應的是兩人精緻鍋物，材料份量很足，我們還差點吃不完... 很好味很飽! 吃飽回房休息一會後，當然又是泡温泉...

 

 
詳情請看: 完整的五日台北之旅網絡相薄

台北北投之旅第一日 - 久違了的台北 (俞美精品飯店/點水樓/華西街夜市)

上一次去台北已經係四年前了，感覺好像很久很久都冇去過台北... 所以今次終於捨棄曼谷，去台北!!

因為港龍航空做緊優惠(@HK$900加稅)，所以我哋今次去程乘搭港龍航空，而回程就乘搭國泰航空。而且亦係一貫嘅做法…早機去，晚機返。

第一日，8:10am 機。今次搭隻飛機係細機，好窄好唔舒服，飛機餐又難食。

台北今天的天氣很差，持續落大雨。乘國光客運在西門町下車後，便冒雨往酒店寄存行李。之後便步行前往點水樓懷寧店吃冠軍小籠包。點水樓的小籠包真的很好 味，不愧係全國第一名。小籠包外，其實我更喜歡紅豆小包呢! 午餐後，由於時間尚早，我們便往微風台北車站逛逛。行吓行吓，又食咗紅燒牛肉麵同飲咗天仁茗茶。

3:30pm 回到台北俞美精品飯店check in。今次入住的房型是高級雙人房(NT$2500)，酒店很新，亦很乾淨。

小休一會兒後，便出發往龍山寺拜神去。拜拜吓神，忽然又落起大雨來。

今晚原本晚餐嘅安排係喺萬華夜市掃街的。但係雨下個不停，重越落越大... 結果，我哋只好去咗附近有蓋嘅華西街夜市食，重探埋金色大蛇丸!

落雨落到冇心機揀，只係食咗冬瓜排骨湯同甜不辣。好彩之後終於轉細雨，於是便趕快回西門町去。8:30pm 回到西門町，去咗于記杏仁豆腐食甜品，之後再去埋西門町步行區買香腸同超貴鳳梨回酒店食。

詳情請看: 完整的五日台北之旅網絡相薄

曼谷之旅第五日 - 又返屋企了 (Maduzi)

9:00am 早餐@酒店房間。Maduzi的早餐亦都可以叫room service喺房間享用的... 所以今天我們便留喺房等嘢食送到上門。

食完早餐出去在附近作最後購物後，便回酒店了。11:30am 午餐@酒店餐廳。我們分別叫咗一份3 courses同埋一份5 courses嘅set lunch。而且其中一份的main course更加錢改了做Chef's Signature Bouillabaisse... 即係大蝦海鮮湯嗰碟。全部食物都很好味呢!

除咗Movenpick雪糕外，重可以喺甜品車選兩款甜品(每人)。真係食到飽飽。

1:45pm 退房搭機鐵往機場。4:30pm 機回香港去。

今次的戰利品。今次搭Air Asia，為咗慳行李寄倉錢，所以只係帶咗手提行李，於是就只可以買少少嘢咋... 重唔可以買液體類!

詳情請看: 完整的五日曼谷之旅網絡相薄

曼谷之旅第四日 - 繼續吃吃喝喝同按摩 (Maduzi/Aubergine/Ging Kalpapruek)

9:00 am 早餐@酒店餐廳。Maduzi的早餐是採用任叫menu的食物，然後再由侍應送上的。所以我們可以不用行來行去拿嘢食了! 早餐的食物款式精緻，味道亦很棒。

今早我哋只選了兩個預設好的set，没有再加其他了。這兩個set之中，煙三文魚漢堡set是比較好的，pancake set就不是太合我口味。另外，那乳酪真的十分好味!

在酒店hea一會後，便出發往Silom去。12:00 午餐@Aubergine。這間餐廳的食物很大路，未見精緻，味道一般。相比之下，之前去過的法國餐廳Le Vendome更合我意。

6:00pm 兩小時泰式按摩@Phnom Phong之Asia Herb Association(@Baht 650 + 100 Tips)，但呢間就按得唔及Thonglor店好。今次嚟曼谷合共按了四次呢...

由於上次食的燒肉放題太一般，今天本想再食一次的... 可惜找來找去都找不到炭火燒肉Sumi Sumi的店，便唯有放棄了。最後，我們去了位於Emporium的Ging Kalpapruek 食泰菜，食完便回酒店浸菇池了。

詳情請看: 完整的五日曼谷之旅網絡相薄