福岡由布院之旅第一日 - 櫛田神社初詣&買福袋 (Hotel Dormy Inn Premium 博多.Canal City前/博多海鮮屋どん舞/石蔵/河邊屋台）

由於舊年喺日本跨年實在太難忘... 所以今年再安排一次元旦日本小旅行去買福袋!!

第一日，7:55am 機。機票連稅二人是HK$3124(由於要慳錢，所以只買了一件20kg的寄倉行李和冇買飛機餐... 但就有買劃機位服務)。今次乘搭的是香港快運，早機去晚機返。

11:30am 到達福岡空港後便立即搭地鐵往博多駅。1:00pm 左右到達博多運河城前的 天然温泉 袖湊の湯 ドーミーイン PREMIUM博多・キャナルシティ前。由於未上得房，寄存行李後便往博多運河城食午餐。

路過一間芝士撻店，立即受不了誘惑。

1:15pm 午餐@博多海鮮屋どん舞。味道唔錯又便宜(¥1852)。

2:00pm 先回到酒店check in。今次入住的房型第一晚是Economy double room($1475一晚)，第二晚是Standard room($1988一晚包早餐)。由於元旦假期的關係... 房價超貴又難揾。

整頓好行李後便立即出發前往酒店附近的櫛田神社初詣。由於今天是元旦初詣，非常多人排隊等候進入神社參拜，我們大概排了半個多小時才完成參拜。今年我求到的籤和舊年一樣都是“大吉”!

神社內有幾檔小食攤檔，參拜完都揀檔幫襯吓... 燒魷魚(¥600)。

離開櫛田神社後便前往博多駅前的各大百貨公司購買福袋。原本以為各大百貨公司是一月二日先開始營業，誰知原來今日已經開始咗初賣呢... 有些褔袋我們去到時已經售罄了! 慘慘...

森半抹茶(¥150)。

7:30pm 晚餐@博多駅地下街 - 石蔵。同樣地好味又便宜(¥2930)。

Dormy Inn酒店都是設有天然温泉大浴場的... 而且我們今晚的房間是没有淋浴設施的。回酒店後，我們便各自前往男/女大浴場浸温泉去。浸完休息一會又係時候出發去食宵夜!

23:30pm 超貴的河邊屋台宵夜。只是叫了一份關東煮，一份串燒加一杯可樂... 咁就承惠¥3000。

宵夜蜜柑和草莓。